അനീതിയുടെ ആൾകൂട്ടമാണ് " സമൂഹം".
കുടുംബം അതിന്റെ തുടക്കമാണ് .
ജാതി , മതം , രാജ്യം , രാഷ്ട്രീയം എന്നിവയാണ് വ്യക്തിയെ തകർക്കുന്ന സാമൂഹ്യ സംഘടനകൾ .
ജീവിതം അനുഭവിക്കുന്നത് വ്യക്തിയാണ് , സമൂഹമല്ല .
എന്നാൽ ചൂഷണത്തിന് വേണ്ടി സമൂഹം വ്യക്തിയെ നശിപ്പിക്കുന്നു .
രാഷ്ട്രീയ / മത സംസ്കാരം ബോധ ശൂന്യതയിൽ അതിഷ്ടിതമാണ് .
അതുകൊണ്ടാണ് അത് സ്വയം അധ :പ്പതിക്കുന്നത് .
രാഷ്ട്രീയവും മതവും നയിക്കുന്നവർ ബോധ ശൂന്യരാകുമ്പോൾ അവ സാമൂഹ്യ വിരുദ്ധമായി മാറുന്നു .
രാഷ്ട്രീയവും മതവും വ്യക്തിക്ക് നന്മയെക്കാൾ കൂടുതൽ തിന്മയാണ് നൽകുന്നത് .
ശാസ്ത്രം മനുഷ്യനെ ആകർഷിക്കുന്നത് പോലെ
അന്തവിശ്വാസങ്ങളും ബോധാശൂന്യനായ മനുഷ്യനെ ആകർഷിക്കുന്നു .
മത വിശ്വാസം അന്തവിശ്വാസമാണ് .
ഭോഗിയായ മനുഷ്യൻ അന്വേഷിക്കുന്നത് ഭോഗ സുഖങ്ങളാണ് .
ജാതി , മതം , രാജ്യം , രാഷ്ട്രീയം എന്നിവയെല്ലാം അന്തവിശ്വാസ ജടിലമാണ് .
നിസ്സഹായാതയിൽ അകപ്പെടുന്ന വ്യക്തിയും കുടുംബവും സാമൂഹ്യ തിന്മകളുടെ ( ജാതി , മതം , രാജ്യം , രാഷ്ട്രീയം) ബലിയാടുകൾ മാത്രമാണ് .
അവർക്ക് ജീവിതം പോലും ശാപമായി മാറുന്നു .
ജീവിതം ശാപമായി മാറുന്നവർക്ക് അവരുടെ ജനനം തന്നെ അനാവശ്യമായി തോന്നുന്നു .
ബോധശൂന്യനായ മനുഷ്യന് വ്യക്തിപരമായി ഒറ്റപ്പെടുന്നതിലും വലിയ ദുഃഖം വേറെയില്ല .
അതുകൊണ്ടാണ് മനുഷ്യൻ തിന്മയുടെ സംഘടനകളെ (മതവും രാഷ്ട്രീയവും ) ചുമക്കുന്നത് .
“സമൂഹം പ്രവർത്തിക്കേണ്ടത് ഒരു യന്ത്രം പോലെയാണ് .
വലുതും ചെറുതുമായ അനേകം ഘടകങ്ങളുടെ കൂട്ടായ പ്രവർത്തനമാണ് “യന്ത്രം”.
ഏറ്റവും ചെറിയ ഒരു ഘടകം പോലും അതിന് അതി പ്രധാനമാണ് .
കെട്ടുറപ്പുള്ള ഉത്തമമായ സാമൂഹ്യ ജീവിതത്തിന് ഓരോ വ്യക്തിയും പ്രാധാന്യമർഹിക്കുന്നു .
സാമൂഹ്യ ജീവിതം വ്യക്തിയുടെ ക്ഷേമത്തിനും ഐശ്വര്യത്തിനും ഉതകുന്നില്ല എങ്കിൽ അത് ഉപേക്ഷിക്കുന്നതാണ് വ്യക്തിക്ക് നല്ലത് .
സമൂഹത്തിൽ നിന്നും ഒറ്റപ്പെടുന്ന വ്യക്തിയെ ബോധാശൂന്യമായ സമൂഹം കല്ലെറിഞ്ഞ് തകര്ക്കുവാൻ ശ്രമിച്ചുകൊണ്ടിരിക്കും .
നന്മ ചെയ്യുവാൻ വാശിയുള്ള മനുഷ്യൻ വിരളമാണ് .
സ്വാർഥ താത്പര്യങ്ങളുടെ ആവശ്യ മാണ് വാശി .
മനുഷ്യനിൽ തിന്മകളുടെ (അക്രമം ) ഉറവിടം സ്വാർഥ താത്പര്യങ്ങളാണ് .
സ്വാർഥ താത്പര്യങ്ങളുടെ ഉറവിടം ബോധശൂന്യതയാണ് .
ആത്മ ജ്ഞാനം കൊണ്ടല്ലാതെ മനുഷ്യന് നന്മ ചെയ്യുവാൻ സാധ്യമല്ല.
അതാണ് രാഷ്ട്രീയ/ മത സംഘടന കളുടെ ചെറ്റത്തരം .
കാരണം ആള്കൂട്ടത്തിനു വ്യക്തിത്വം സാധ്യമല്ല .
സാധ്യമായത് സാമൂഹ്യമായ ഭ്രാന്ത് മാത്രമാണ് .
