മനുഷ്യരിൽ ഭോഗിയും യോഗിയും "ഞാൻ " ( വ്യക്തി ) ആകുന്നു .
ഭോഗിയിൽ "ഞാൻ " മിഥ്യയും (illusion ) യോഗിയിൽ "ഞാൻ " സത്യവും (truth of being ) ആണ് .
മനുഷ്യനിൽ "ഞാൻ " ശരീരം അല്ല , ബുദ്ധി അല്ല ,ചിന്തയുമല്ല .
പിന്നെയെന്താണ് "ഞാൻ " ( വ്യക്തി ) ?
സാധാരണ ബുദ്ധി ( ഭോഗ ചിന്ത ) കൊണ്ട് പഠിക്കുവാൻ കഴിയുന്ന നിസ്സാരമായ നിഗൂഡതയല്ല മനുഷ്യൻ .
ബുദ്ധി കൊണ്ട് ബുദ്ധിയെ പഠിക്കുവാൻ സാധ്യമല്ല എന്നതാണ് അതിനു കാരണം .
എന്താണ് ബുദ്ധി ?
ഒരേ സമയം ലളിതവും സങ്കീർണ്ണവുമായ ഒരു പ്രവർത്തനമാണ് ബുദ്ധി . ചിന്തകളാണ് അതിനു അടിസ്ഥാനം .
ഒരു മനുഷ്യ ശിശു ജനിക്കുമ്പോൾ ബുദ്ധി ജനനിക്കുന്നില്ല . കാരണം ബുദ്ധി ജഡവസ്തുവല്ല .(livingmatter ).
ബുദ്ധിയെന്ന പ്രവർത്തനം ഒരു സ്വയം പരിണാമം മാത്രമാണ് .(self- evolution ).
അതിന്റെ ആരംഭം "ഞാൻ " എന്ന സങ്കല്പമാണ് (illusion,feeling ).
ഞാൻ (വ്യക്തി ) ഉണ്ട് എന്നത് അവനവന്റെ തോന്നൽ (feel ) മാത്രമാണ് .
സാധാരണ മനുഷ്യൻ ജീവിക്കുന്നത് വൈകാരിക ( ഭോഗ ) തലത്തിൽ മാത്രമാണ് .
കാരണം "ഞാൻ " എന്ന വ്യക്തി ഒരു വികാരം ( emotionalbeing - ego ) മാത്രമാണ് .
ഭോഗ തലത്തിൽ മനുഷ്യൻ അനുഭവിക്കുന്ന വൈകാരീകതയെ സന്തോഷം / സങ്കടം എന്ന് രണ്ടായി തിരിക്കാം
ഭോഗിയായ വ്യക്തി അവനവനെ അറിയാത്തത് കൊണ്ടാണ് സ്വയം ഒരു നിഗൂഡതയായി അന്ധ വിശ്വാസങ്ങളെയും ,തെറ്റായ ധാരണകളെയും ചുമന്ന് കഷ്ടതകളിൽ ജീവിച്ചു മരിക്കുന്നത് .
ആത്മജ്ഞാനം ലഭിക്കാത്ത മനുഷ്യനിൽ "ഞാൻ ".
കടലിലെ തിരമാലകൾ പോലെ ഒരിക്കലും നിലക്കാത്ത ഒരു അസ്വസ്ഥതയാണ്
ആരാണ് ഭോഗി ?
സ്ഥിരമായി ഒരു സ്വഭാവം ഇല്ലാത്ത ഭോഗ തത്പരനായ മനുഷ്യനാണ് ഭോഗി .
ഭോഗ സുഖങ്ങളെ തേടി പോകുന്നതുകൊണ്ടാണ് മനുഷ്യന് സ്വഭാവ സ്ഥിരതയില്ലാത്തത് .
ബുദ്ധിയുടെ സ്വഭാവമാണ് അതിനു കാരണം . ബുദ്ധിയുടെ സ്വഭാവം ബോധാശൂന്യതയാണ് .
ബോധശൂന്യതയെന്നാൽ ഇരുട്ടാണ് . ഇരുട്ടിൽ പ്രവർത്തിക്കുന്ന ബുദ്ധിയും വ്യക്തിയും എന്നും ആശയക്കുഴപ്പത്തിലാണ് .
ജീവിതത്തെ വീണ്ടും വീണ്ടും പ്രണയിച്ചില്ലയെങ്കിൽ ജീവിതം ഇരുളടഞ്ഞു പോകും .
"ഞാൻ " എന്ന ആശയക്കുഴപ്പത്തിന് പ്രാചീന മനുഷ്യൻ കണ്ടെത്തിയ തെറ്റായ ചികിത്സയാണ് ലഹരി .
മദ്യവും ഭക്തിയും മനുഷ്യനെ ഒരേപോലെ ഉന്മത്തനാക്കുന്നത് ബുദ്ധിയുടെ സ്വഭാവമാണ് .
എന്താണ് ഉന്മാതം ?
ബുദ്ധിയുടെ അടിസ്ഥാന പ്രവർത്തനമായ ചിന്ത താത്കാലീകമായി നിലക്കുന്ന (temporary shutdown ) അവസ്ഥയാണ് ഉന്മാദം .
ഉന്മത്തനായ വ്യക്തിയുടെ ശരീരവും ബുദ്ധിയും ഒരേ സമയം ബാലഹീനമാകുന്നത് മനുഷ്യനെ സ്വപ്നാവസ്തയിലേക്ക് (haluzination ) മാറ്റുന്നു .
ഈ അനുഭവമാണ് അനേകം മനുഷ്യരെ ലഹരിക്ക് (ഭക്തിയും മദ്യവും ,മയക്കുമരുന്നുകളും ) അടിമയാക്കുന്നത് .
ആരാണ് യോഗി ?
ഭോഗ സുഖങ്ങളെ അപ്രസക്തമാക്കിയ അസാധാരണ മനുഷ്യനാണ് യോഗി .
ദുഖിതനായ ഭോഗിയെ ദുഃഖ വിമുക്തിയിലേക്കും ആനന്ദമെന്ന വെളിച്ചത്തിലേക്കും ആനയിക്കുന്ന ജീവിത സാക്ഷാത്ക്കാരമാണ് യോഗം .
എന്താണ് ഭോഗിയെ യോഗിയാക്കുന്നത് ?
ക്രീയാത്മകമായ ബുദ്ധിയുടെ പരിണാമ പരമ്പര (process ) പൂർണ്ണമാക്കി സ്ഥിരബുദ്ധി (സ്വബോധം ) നേടിയ വ്യക്തിയാണ് യോഗി .
ബുദ്ധിയും ചിന്തയും യോഗിയിൽ വികാരങ്ങളുടെ വേലിയേറ്റങ്ങൾ സൃഷ്ടിക്കുന്നില്ല.
യോഗി സ്വന്തം ബുദ്ധിക്ക് അടിമയല്ല . യോഗിയിൽ ബുദ്ധി വ്യക്തിക്ക് അടിമയാണ് .
കാരണം യോഗിയിൽ "ഞാൻ " സത്യമാണ് , മിഥ്യയല്ല .
സ്വബോധം ( സത്യം ) മാത്രമാണ് മനുഷ്യന് ആത്മ ബന്ധു .
അതാണ് ക്രിസ്തു പറഞ്ഞ സത്യവും വഴിയുമായ "ഞാൻ " (അഹം ബ്രഹ്മാസ്മി ).
