ദൈവാരാധന ഭോഗാരാധനയാണ് .
ഭോഗിയുടെ പ്രശ്നം ബോധശൂന്യതയാണ് .
ദുഖങ്ങളും കഷ്ടതകളും അല്ലാതെ മറ്റൊന്നും
ബോധശൂന്യനായ മനുഷ്യനിൽ അവശേഷിക്കുകയില്ല .
ഇന്ന് മനുഷ്യൻ ആരാധിക്കുന്ന എല്ലാ ദൈവങ്ങളെയും സൃഷ്ടിച്ചത് പ്രാചീന മനുഷ്യനാണ് .
എന്നാൽ മനുഷ്യനെ സൃഷ്ടിച്ചത് ആ ദൈവങ്ങളിൽ ഏതെങ്കിലും ദൈവം ആയിരിക്കുക അസാധ്യമാണ് .
അങ്ങനെ ഒരു സൃഷ്ടാവ് ഉണ്ടെങ്കിൽ ആ സൃഷ്ടാവിനെ സൃഷ്ടിച്ച മറ്റൊരു സൃഷ്ടാവ് ഉണ്ടെന്ന് പറയേണ്ടി വരും .
മനുഷ്യനെ സൃഷ്ടിച്ച ഒരു സൃഷ്ടാവ് ഇല്ല .
അതുകൊണ്ടാണ് മനുഷ്യന് സ്വന്തം ദൈവ ബിംബങ്ങളെ ഉണ്ടാക്കി അവരവരുടെ സ്വന്തം ദൈവത്തിൽ വിശ്വസിക്കേണ്ടി വന്നത് .
സത്യമായി ഉള്ളതിനെ മനുഷ്യന് ബോധ്യപ്പെടുവാൻ കഴിയും . സത്യം ബോധ്യപ്പെടുന്നതാണ് ബോധം .
ബോധശൂന്യമായ ബുദ്ധിയുടെ ദയനീയാവസ്തയാണ് ദൈവ വിശ്വാസം.
ഇല്ലാത്ത ദൈവത്തെ ആരാധിക്കുന്നത് സത്യവിരുദ്ധമാണ് .
പ്രപഞ്ചത്തിന് ആത്മാവാണ് സത്യം .
സത്യം അല്ലാത്തതോന്നും ദൈവമല്ല .
അതുകൊണ്ട്ദൈവ വിശ്വാസം ആത്മ നിന്ദയാണ് .
ആത്മ നിന്ദയുടെ ഫലം അതി ദയനീയമാണ് .
ദൈവ വിശ്വാസികളെ ദുഖവും കഷ്ടതകളും ഒരിക്കലും വിട്ടുപിരിയുകയില്ല .
അതിനു ഉത്തരവാദി ദൈവമോ ,സാത്താനോ ,മനുഷ്യനോ ?
മനുഷ്യൻ ആരാധിക്കുന്ന ദൈവം സർവ്വ ശക്തൻ,
മനുഷ്യൻ ഭയപ്പെടുന്ന സാത്താനും സർവ്വ ശക്തൻ .
നിസ്സഹായനായ മനുഷ്യനോ ദൈവ ഭക്തൻ .
പിന്നെ സാത്താൻ വെറുതെ ഇരിക്കുമോ ?
വീണ്ടും ആത്മനിന്ദയും തിന്മകളും തുടരുന്നു .
