എന്താണ് ദൈവം ? ആരാണ് ദൈവം ?
ദൈവശാസ്ത്രം (theology ) എന്നൊരു വിജ്ഞാനശാഖയിൽ ഡോക്ടരേറ്റ് നേടുന്ന മഹാന്മാർ അനവധിയാണ് .
ഏതു ദൈവത്തെ പറ്റിയാണ് അവർ ഗവേഷണം നടത്തിയത് ? ഓരോ മതത്തിനും സ്വന്തം ദൈവമുണ്ട് .
അവൻ വർഗീയനായ ദൈവമാണ് . ഗോത്ര സംസ്കാരമാണ് വർഗീയതയുടെ അടിസ്ഥാനം .
ഗോത്രസംസ്കാരം പ്രാകൃത സംസ്കാരമാണ് .
ആധുനീക മനുഷ്യനെ "പ്രാകൃത ചിന്ത" നയിക്കുന്നതാണ് ആധുനീക ദൈവശാസ്ത്രം .
സത്യത്തിൽ ദൈവശാസ്ത്രം പോലെ ഇത്രയും വിപുലമായ തട്ടിപ്പ് ഭൂമിയിൽ വേറെയില്ല .
ആധുനീക ഗവേഷകൻ ദൈവത്തെയല്ല പഠിക്കേണ്ടത് , മനുഷ്യനെയാണ് .
കാരണം ദൈവം ഇല്ലാത്തതാണ് . മനുഷ്യൻ ഉള്ളതാണ് .
അടുത്ത ചോദ്യം മനുഷ്യന് എന്താണ് ഉള്ളത് ?
ശരീരം , ബുദ്ധി , ചിന്ത ഇങ്ങനെ മൂന്ന് കാര്യങ്ങളാണ് മനുഷ്യൻ .
അതിൽ ശരീരവും അതിന്റെ അവയവങ്ങളും അവയുടെ പ്രവർത്തനങ്ങളും ആവശ്യങ്ങളും എല്ലാ മൃഗങ്ങളിലും ഉണ്ട് .
ബുദ്ധിയും ചിന്തയുമാണ് മനുഷ്യനെ വ്യത്യസ്ത മൃഗം ആക്കുന്നത് .
എന്താണ് ബുദ്ധി ? എന്താണ് ചിന്ത ? ഈ രണ്ടു കാര്യങ്ങളും പഠിക്കാതെ "ഭൗതീക മനുഷ്യനെ " (Psycho-somatic-being )
അറിയുവാൻ കഴിയില്ല .
ബുദ്ധിയെ പഠിക്കുവാൻ ഇതുവരെയും ശാസ്ത്രത്തിനു കഴിഞ്ഞിട്ടില്ല .
ശാസ്ത്രം പഠിക്കുന്നത് തലക്കകത്ത് ഉള്ള ജടവസ്തു (brainmatter ) നെയാണ് .
എന്നാൽ ബുദ്ധി ഒരു പ്രവർത്തനം മാത്രമാണ് (intelligence is a virtual function ).
ചിന്തയെപ്പറ്റി പഠിക്കുന്ന ശാസ്ത്ര ശാഖയാണ് മനശാസ്ത്രം .
ദൈവശാസ്ത്രം പോലെ മനശാസ്ത്രവും ഒരു തട്ടിപ്പാണ് .
കാരണം മനസ്സ് ഇല്ലാത്തതാണ് . ഉള്ളത് ചിന്തയാണ് .
ചിന്തയുടെ ഉറവിടം എവിടെയാണ് എന്ന് മനശാസ്ത്രത്തിനു കണ്ടെത്തുവാൻ സാധ്യമല്ല .
അടുത്ത ചോദ്യം എന്താണ് മനുഷ്യൻ എന്നതാണ് .
ശരീരവും ബുദ്ധിയും ചിന്തയും മനുഷ്യൻ അല്ല . അത് വ്യക്തിയുടെതാണ് .
അപ്പോൾ വ്യക്തി (ഞാൻ ) ആരാണ് ?
ഇതാണ് ഗവേഷണം നടത്തേണ്ട വിഷയം .
ഇതിനുത്തരം മനുഷ്യൻ എന്ന് ആയിരിക്കില്ല , ദൈവം (സത്യം ) എന്ന് ആയിരിക്കും .
അത് 100 % ഉറപ്പാണ് .
