എന്താണ് മനുഷ്യനിൽ "ഞാൻ" ? What am I ?
ബുദ്ധിപരമായി ഉത്തരം പറയാവുന്ന ചോദ്യമല്ല ഇത് .
മനുഷ്യനിൽ "ഞാൻ" ആരാണ് ? (Who am I ) എന്ന് എല്ലാവർക്കും ഒരു ധാരണയുണ്ട് .
"ഞാൻ" എന്താണ് എന്ന ചോദ്യം തന്നെ ആരും പ്രതീക്ഷിക്കുന്നില്ല .
മനുഷ്യനിൽ "ഞാൻ " ബുദ്ധിയല്ല, ശരീരം അല്ല , ചിന്തകളുമല്ല . എൻറെ തായ വസ്തുക്കളൊന്നും ഞാൻ അല്ല .
മനുഷ്യനിൽ കര്മ്മങ്ങളുടെ കർത്താവ് ആണ് "ഞാൻ".
എല്ലാ മനുഷ്യരിലും "ഞാൻ " അവനവൻറെ ബുദ്ധിക്ക് അടിമയാണ് .
സ്വബോധം ഇല്ലാത്ത മനുഷ്യനിൽ ബുദ്ധി ബോധത്തിന്റെ നിഴൽ പോലെയാണ് പ്രവർത്തിക്കുന്നത് .
മനുഷ്യന് സ്വന്തം പ്രവർത്തികളിൽ ആത്മനിയന്ത്രണം (self orientation ) സാധ്യമാല്ലാത്തത് ആത്മശക്തിയുടെ അഭാവം കൊണ്ടാണ് .
ആത്മശക്തി ഇല്ലാത്ത മനുഷ്യന് ആത്മ നിയന്ത്രണവും ആത്മ വിശ്വാസവും അസാധ്യമാകുന്നു .
ആത്മശക്തി ഇല്ലാത്ത മനുഷ്യനെ ഭയമാണ് നിയന്ത്രിക്കുന്നത് . ഭയം ബോധ ശൂന്യമായ ബുദ്ധിയുടെ സ്വഭാവമാണ്
ഒരു മനുഷ്യനിൽ നില നില്ക്കുന്ന സത്യത്തിൻറെ അളവും, ആ വ്യക്തിയിൽ നിന്നും പുറത്തു വരുന്ന സാമൂഹ്യ നന്മയുടെ (സന്മാർഗ്ഗം ) അളവും, ആ വ്യക്തിൽ പ്രകാശിക്കുന്ന സ്വബോധവും ഒന്ന് തന്നെയാണ് .
പ്രപഞ്ചത്തിന് ആത്മാവ് (കേന്ദ്രം ) ഉണ്ട് . ആത്മാവ് ഒരവസ്ഥയാണ് (supreme Being ).
അവിടെ നിലകൊള്ളുന്ന ശക്തിയാണ് "ബോധം ". ബോധം സത്യമാണ് . ബോധത്തിൽ നിന്നും ഉത്ഭവിക്കുന്നതും സത്യമാണ് .
മനുഷ്യനിൽ ബുദ്ധി സൃഷ്ടിക്കുന്ന "ഞാൻ " മിഥ്യയാണ് .
മനുഷ്യനിൽ കേന്ദ്രം ( ജീവാത്മാവ് ) ബുദ്ധിയാണ് . ബുദ്ധി സത്യമല്ല, മിഥ്യയാണ് .
പരിധിയില്ലാതെ സങ്കല്പങ്ങളെ സൃഷ്ടിക്കുന്ന പ്രവർത്തനമാണ് "ബുദ്ധി " ( virtual existence ).
അവനവൻറെ സങ്കൽപ്പങ്ങളെ പൂവണിയിക്കുവാനാണ് മനുഷ്യൻ രാപ്പകൽ കഷ്ടപ്പെടുന്നത് .
എന്നാൽ ഭൗതീക സമ്പന്നത കൊണ്ട് മനുഷ്യന് സ്വസ്ഥതയും ആനന്ദവും (സത്യം ) നേടുക അസാധ്യമാണ് .
മനുഷ്യനിൽ ഞാൻ എന്ന അഹങ്കാരം (മിഥ്യ ) മരിക്കാതെ നീ എന്ന പൂർണ്ണത ( സത്യം ) ജനിക്കുകയില്ല .
