മനുഷ്യ ജന്മത്തിന് ഒരു ലക്ഷ്യമുണ്ട് . അത് മതങ്ങൾ പറയുന്ന മരണാനന്തര സ്വർഗ്ഗമല്ല.
പ്രാകൃത മതങ്ങൾ മനുഷ്യരെ ഭയപ്പെടുത്തുവാൻ ഉണ്ടാക്കിയ തട്ടിപ്പാണ് "മരണാനന്തര സ്വർഗ്ഗം ".
യഥാർഥ സ്വര്ഗ്ഗം ഇപ്പോൾ ഇവിടെ "ഈ നിമിഷമാണ് ".
ജീവിതം ജീവിക്കുന്ന വ്യക്തി (ഞാൻ ) നിമിഷത്തിലേക്ക് പ്രവേശിക്കുമ്പോൾ മനുഷ്യൻ മിഥ്യായിൽ നിന്നും സത്യത്തിലേക്ക് പ്രവേശിക്കുന്നു .
അത് വരെ ഓരോ മനുഷ്യനും സ്വന്തം കഥയുടെ, ഇതുവരെ പറയാത്ത ഭാവിയുടെ പണിപ്പുരയിലാണ് .
ഓരോ മനുഷ്യനും നിത്യേന ജീവിതം എന്ന കഥയെഴുതുകയാണ് .
കഥയുടെ ഒരിക്കലും പറയാത്ത പുതിയ അധ്യായങ്ങളുമായാണ് കഥയും വ്യക്തിയും ഓരോ ദിവസവും മുന്നോട്ടു പോകുന്നത് .
കഥയുടെ അപ്രതീക്ഷിതമായ ട്വിസ്റ്റ് വ്യക്തിയെ ഉലയ്ക്കുകയും തകർക്കുകയും ചെയ്യുന്നു . അതെല്ലാം വ്യക്തിക്ക് ലക്ഷ്യത്തി ലേക്കുള്ള (സത്യം ) ക്ഷണമാണ് .
ഒരു പഠന കളരി ( school ) ആർക്കും ലഭ്യമല്ലാത്തത് "ജീവിതം" എന്ന കഥയെഴുത്തിനു മാത്രമാണ് .
ഭൗതീക ജീവിതം ഒരു സ്വപ്നം പോലെയാണ് മനുഷ്യന് വന്നു ഭവിക്കുന്നത് . . സ്ഥിരമായി മാറി മറിയുന്ന അനുഭങ്ങൾ മനുഷ്യനെ നിസ്സഹായനാക്കുന്നു .
ജീവിതം നയിക്കുകയും അനുഭവിക്കുകയും ചെയ്യുന്ന " ഞാൻ " (വ്യക്തി ) ഇല്ലാത്തതാണ് .
ഞാൻ എന്ന സങ്കൽപ്പമാണ് മനുഷയന്റെ തുടർ കഥയുടെ രജയിതാവ് .
അതി ബുദ്ധിമാൻ ആയാലും , പാണ്ഡിത്യം ഉണ്ടായാലും , പണവും പദവിയും ഉണ്ടായാലും
എല്ലാ കാര്യങ്ങളിലും മനുഷ്യൻ ആഗ്രഹിക്കുന്നത് പോലെയാവില്ല കഥ മുന്നോട്ടു പോകുന്നത് .
മനുഷ്യൻ ആഗ്രഹിക്കുന്നത് പോലെ ഏതെങ്കിലും ഒരു ബാഹ്യ ശക്തിയുടെ (ദൈവം ) ഇടപെടൽ മനുഷ്യന്റെ കാര്യങ്ങളിൽ ഇല്ല എന്നുള്ളത് സത്യമാണ് .
അങ്ങനെ ഒരിടപെടൽ ഉണ്ടെങ്കിൽ പ്രപഞ്ച വ്യവസ്ഥയും ഭൂമിയിലെ മനുഷ്യരുടെ അവസ്ഥ പോലെ ദയനീയമായ ഒരു അവ്യവസ്ഥ (chaos ) ആകുമായിരുന്നു .
മനുഷ്യ ബുദ്ധിയുടെ ദയനീയമായ പരിമിതിയിലും പരാജയത്തിലും അർഥം കണ്ടെത്തുന്ന ആശ്വാസമാണ് പ്രാകൃത മനുഷ്യൻ സൃഷ്ടിച്ച ദൈവ ബിംബങ്ങൾ .
ബിംബങ്ങൾ മനുഷ്യന് നൽകുന്ന സ്വാന്തനം അവനവന്റെ വിശ്വാസം നൽകുന്ന പ്ലാസീബോ മാത്രമാണ് .
മനുഷ്യൻറെ വിശ്വാസത്തോടൊപ്പം അത്രയും തന്നെ അവിശ്വാസവും നില നിൽക്കുന്നത് ബുദ്ധിയുടെ സ്വഭാവമാണ് .
അതുകൊണ്ടാണ് വിശ്വാസികൾ മറ്റാരേക്കാളും അസ്വസ്ഥരും ഭയ ചകിതരും രോഗികളും ആയിരിക്കുന്നത് .
ബോധ ശൂന്യമായി മനുഷ്യനെ മുന്നോട്ടു നയിക്കുന്ന സ്വന്തം ബുദ്ധിയെ "സ്വബോധം " (സത്യം ) കൊണ്ട്നിയന്ത്രിക്കുവാൻ കഴിഞ്ഞാൽ ഏതു മനുഷ്യനും വിജയകരമായി, ദുഖമില്ലാതെ അർഥ സമ്പുഷ്ടമായ കഥകൾ കൊണ്ട് ജീവിതം സമ്പൂർണ്ണവും സഫലവും ആക്കുവാൻ സാധ്യമാണ് .
