സഫലമായ ജീവിതം .

 എന്താണ്  ആത്മസംതൃപ്തി ?
അവനവന്റെ ഉള്ളിൽ നിറയുന്ന ആനന്ദമാണ്  ആത്മസംതൃപ്തി .
എന്താണ് പരമമായ ആനന്ദം ?
നശ്വരമല്ലാത്ത സന്തോഷമാണ്  ആനന്ദം ?
സാധാരണയായി സന്തോഷം നശ്വരമായിരിക്കുന്നത്  എന്ത് കൊണ്ട് ?
വ്യക്തിയിൽ ഉണ്ടായി നശിക്കുന്ന ഒരു വികാരമാണ്  സന്തോഷം .  ഊർജം സൃഷ്ടിക്കുന്ന ഓരോ  തിരയാണ് "വികാരം". നാശം അതിന്റെ സ്വഭാവമാണ് .
സ്വന്തം കാലുകൾക്ക് ബലമില്ലാത്തൊരാൾ ഒരു വടികുത്തിനടക്കുന്നത്  പോലെയാണ് മനുഷ്യന്റെ ദൈവ വിശ്വാസം .
ആ വടി ഉപേക്ഷിക്കുന്നതിന്  മുമ്പ് അയാൾക്ക് സ്വന്തം കാലിൽ നടക്കുവാനുളള ത്രാണി ഉണ്ടാകണം .
സ്വന്തം കാലിൽ നടക്കുവാനാകുന്ന മനുഷ്യന്   ഒരു സ്വർണ്ണ വടി  ലഭിച്ചാലും അയാൾക്ക്‌  അതിന്റെ ആവശ്യമില്ല .
സ്വന്തം കാലിൽ നടക്കുന്ന മനുഷ്യന്റെ ശക്തിയാണ്  "സ്വബോധം ".
സ്വബോധവും ആത്മ ശക്തിയും ഒന്നു തന്നെയാണ് . സ്വബോധത്തിന്റെ  സ്വഭാവമാണ്  ആത്മസംതൃപ്തി .
ആത്മസംതൃപ്തിയുടെ  ഫലമാണ് സഫലമായ  ജീവിതം .
നിങ്ങൾ ദൈവത്തെ കണ്ടു എന്ന് പറഞ്ഞാൽ  അത് സത്യമാകം .
നിങ്ങൾ നിങ്ങളെ കണ്ടു എന്ന്  പറഞ്ഞാൽ അതൊരിക്കലും സത്യം ആകില്ല.
അങ്ങനെയാണ്  പ്രപഞ്ചവ്യവസ്ഥയിൽ മനുഷ്യന്റെ  അസ്ഥിത്വം ക്രമീകരിക്ക പ്പെട്ടിരിക്കുന്നത് .