ജീവൽ പ്രവാഹം .

The  surprise visit. of  a virtue is called "Blessing" 
It could be in the form of things,person,events or ideas.

The surprise visit of a vice is called "curse" in the form of thought, person, or event.

ജീവിതത്തിൽ എന്താണ് മനുഷ്യന്  നഷ്ടപ്പെടുവാൻ ഉള്ളത്  ?

അവനവനെ തന്നെയല്ലാതെ മനുഷ്യന് ജീവിതത്തിൽ  ഒന്നും നഷ്ട പ്പെടാനില്ല .

അങ്ങനെയുണ്ടെന്നുള്ളത്  വെറും  തോന്നലാണ്  ( illusion ).


സ്വപ്നജീവിയായ മനുഷ്യൻ മരിക്കുമ്പോൾ നഷ്ടമാകുന്നത് വെറും സ്വപ്നങ്ങൾ  മാത്രമാണ് .

സ്വയം പ്രവഹിക്കുന്ന ഊർജമാണ് ജീവൻ .

സ്വസ്ഥിതമായ ഊർജ്ജത്തിന്റെ പരമാവസ്ഥയാണ് "ബോധം" .

ബോധത്തിന്റെ നിഴൽ പോലെയാണ് ബുദ്ധി പ്രവർത്തിക്കുന്നത് .

പ്രപഞ്ച കേന്ദ്രമായ സത്യമാണ് ബോധം .

മനുഷ്യകേന്ദ്രമായ മിഥ്യയാണ് ബുദ്ധി .

ബുദ്ധി സൃഷ്ടിക്കുന്ന മിഥ്യയാണ് "വ്യക്തി" (ഞാൻ) .

ബുദ്ധിയെ പ്രകാശിപ്പിച്ചുകൊണ്ടു
വ്യക്തിയിൽ നില നിൽക്കുന്ന സത്യമാണ് സ്വബോധം .

ഒരു പുഴ ഒഴുകുന്നത് പോലെയാണ് ജീവന്റെ പ്രവാഹവും .

ജീവൻ വഹിക്കുന്ന വാഹനമാണ് ശരീരം .

വാഹനം ജീവനെ വഹിക്കുവാൻ പ്രാപ്തമായിരിക്കുന്ന കാലമത്രയും ജീവനും അതിൽ നില നിൽക്കും
.
ജീവൻ ശരീരത്തെ ആശ്രയിച്ചും ശരീരം ജീവനെ ആശ്രയിച്ചുമാണ് നില നിൽക്കുന്നത് .

എല്ലാ ജീവജാലങ്ങളിലും സസ്യ ജാലങ്ങളിലും ജീവനെന്ന ഊർജ പ്രവാഹം ഒന്ന് തന്നെയാണ് .

ആത്മാവുമായി ജനനത്തിനും നും മരണത്തിനും നേരിട്ട് ബന്ധമില്ല.

ആത്മാവിൽ (ബോധം ) നിന്നും ജീവനിലേക്കു പ്രവഹിക്കുന്ന ഊർജത്തെ പ്രാണൻ എന്ന് വിളിക്കുന്നു.

പ്രാണൻ ആത്മാവല്ല .

പ്രാണൻ നിത്യമായ ഊർജ പ്രയാണമാണ് .