എന്താണ് ഏകാന്ധത ?.
എന്തുകൊണ്ടാണ് ഏകാന്തത മനുഷ്യനെ നൊമ്പരപ്പെടുത്തുന്നത് ?.
ഏകനായിരിക്കുന്നത് മനുഷ്യനെ നൊമ്പരപ്പെടുത്തേണ്ട കാര്യമില്ല.
കാരണം ഏകനായിരിക്കുക എന്നത് വ്യക്തിത്വത്തിൻറെ സ്വാഭാവീകതയാണ് .
ഏകനായിരിക്കുന്നതിനോടൊപ്പം തന്നെ അന്ധകാരത്തിലുമായിരിക്കുകയെന്നതാണ് "ഏകാന്ധത"
ഏകനായിരിക്കുന്നുവെന്നതിനേക്കാൾ (solitude) മനുഷ്യനെ ഭയപ്പെടുത്തുന്നത് . ഏകാന്ധതയാണ് .
അവനവനെ അറിയാത്ത ആത്മീയ അന്ധതയാണ് മനുഷ്യന്റെ പ്രശ്നം.
സ്വബോധം (ആത്മശക്തി ) ഇല്ലാത്ത മനുഷ്യനിൽ വ്യക്തി നില നിൽക്കുന്നത് അന്ധകാരത്തിലാകുന്നു.
പുറം കണ്ണുകൾ നൽകുന്ന കാഴ്ച സത്യമല്ല , ബുദ്ധിയുടെ ധാരണകളാണ്.
മിഥ്യ ആയിരിക്കുന്ന വ്യക്തിയുടെ കാഴ്ച സത്യമായിരിക്കുക അസാധ്യമാണ് .
സത്യം കാണുന്ന അകക്കണ്ണാണ് ആത്മജ്ഞാനം. .
ആത്മജ്ഞാനം ഇല്ലാത്ത മനുഷ്യൻ
ആൾക്കൂട്ടത്തിലും വ്യക്തി ഏകാന്തത അനുഭവിക്കുന്നതിനു കാരണം
ഏകനാകുന്നതിനോടൊപ്പം അന്ധകാരത്തിലും ആയിരിക്കുന്നതാണ് ..
എന്താണ് അദ്വൈതം ?
ബുദ്ധി വ്യക്തിയിൽ സൃഷ്ടിക്കുന്ന വൈകാരിക അനുഭവങ്ങളേയും ശരീരത്തെയും
സംബന്ധിക്കുന്നതാണ് ."ദ്വൈതാവസ്ഥ "
അദ്വൈതം പരമായ ബോധാവസ്ഥയാണ് .
മനുഷ്യൻ ഒഴികെ പ്രപഞ്ചത്തിൽ മറ്റൊന്നിനും ദൈതാവസ്ഥ സൃഷ്ടിക്കുന്ന മിഥ്യ (തോന്നൽ ) ഇല്ല .
മനുഷ്യൻ പ്രവർത്തിക്കുന്ന ധര്മ്മ / അധര്മ്മങ്ങളുടെ പ്രതിഫലനമാണ് സുഖവും ദുഖവും.
ധർമം പ്രവർത്തിച്ചാൽ സുഖവും അധർമ്മം പ്രവർത്തിച്ചാൽ ദുഖവുമാണ് ഫലമായി ലഭിക്കുന്നത് .
സുഖ ദുഃഖ സമ്മിശ്രമായ ദ്വൈതാവസ്ഥയിൽ നിന്നുള്ള മോചനമാണ് ആനന്ദം .
മനുഷ്യന് എത്തുവാൻ കഴിയുന്ന പരമാവസ്ഥയെയാണ് ആത്മീയതയിൽ കൈലാസം എന്ന് വിശേഷിപ്പിക്കുന്നത്.
ആത്മീയ മനുഷ്യന്റെ ജനനത്തോടെ മാത്രമാണ് മനുഷ്യൻ "ഞാൻ " എന്ന മിഥ്യയെ ജയിക്കുന്നത് .
പുനർജനനം സംഭവിക്കാത്ത വ്യക്തി ഞാൻ എന്ന വികാരമാണ് (അഹങ്കാരം ).
